انتو متعرفوش حاجه
احنا متأخرين اوي ومعندناش وقت
دا رد الريس لما كان حد يقوله أجل المشاريع القوميه ياريس الناس تعبت
👈حد قاله انت مش خايف على شعبيتك ؟
قالهم شعبية اييييه
انا لو معملتش كدا هتحاسب قدام ربنا عن ال ١٠٠ مليون
هيسألني عملتلهم ايه ، ضيعتهم ليه
أي حد متابع لكلام الريس اكيد سمه كدا اكتر من مره
حتى الاعلام كان بيتسائل
هو مستعجل كدا ليه ؟
عايز يحل مشاكل متوراثه من ١٠٠ سنه على حساب الجيل الحالي ليه ؟
ما يحل جزء ويرحل جزء
👈طيب بالله عليكم عمركم سمعتو عن شعب بيقول لرئيسه كفايه مشاريع !!!
والله اتحداك انها تكون حصلت في التاريخ
👈أي حاكم بيكون اولوياته شعبيته واستقرار حكمه
يراضي اصحاب النفوذ والمال
🔹️لكن السيسي اول ناس حط عليها هما اصحاب النفوذ والمال
هدم كباين المنتزه لاكبر ناس في البلد
ساعتها قائد المنطقة العسكرية الشماليه وهو رايح ينفذ قرار الهدم لقى اسماء كبارات البلد
فاتصل بالريس وقاله دا فلان وفلان ليهم كباين
الريس قاله لو لقيت كبينه مكتوب عليها السيسي اهدمها
مفيش حد كبير ع القانون
غير انه سحب الاراضي من المستثمرين اللي سرقوها من البلد وكان منهم مسؤولين خليجيين
وهدم قصورهم اللي على املاك الدولة
ومطلع عين ابوهم في مشاريع الدولة وبيحاسبهم بالسحتوت
والاراضي اللي كانو ياخدوها ببلاش بقى يبعهالهم بمليارات
هو انتو فاكرين رجال الاعمال راضيين عنه ؟
👈بل بالعكس اول مشروع قومي عمله كان للناس اللي ملهاش صوت اصلا ولا يتخاف منها
برنامج القضاء على فيرس سي
وبعدها دفع مستحقات الغارمات واخراجهم من السجون
وعمل معاشات تكافل وكرامه
👈دا حتى القرارات اللي هتأثر على شعبيته بياخدها في توقيتات حرجه
🔹️قبل ثورة الغلابه ١١/١١/٢٠١٦
واللي كان فية تحريض ممنهج وفيه ناس نزلت فعلا بس اعداد قليله
وقتها بدأ برنامج الاصلاح الاقتصادي!!!
🔹️وقبل الانتخابات الاخيره كان فيه قرار لرفع دعم الوقود
رئيس الوزراء قاله اجلها بعد الانتخابات فالسيسي قاله عايزني اخدع الناس !!!
✅️بالله عليكم حد في كوكبنا يقدر يعمل كدا
الخلاصة ... السيسي عدى ال ٧٠ سنه وأي حد غيره هيقول عدي الكم سنه ودلع الناس علشان تكمل مدتك بهدوء
وسيب اللي بعدك يشيل الشيله
وكله من جيب الدولة
لكن الراجل دا شريف ومؤمن وبيشتغل بتجرد واخلاص
لا فارق معاه شعبيه ولا اصحاب نفوذ
المهم يبني بلده ويأمن شعبه
والنهارده استوعبنا ليه دايما مستعجل وبيدخل في ازمات
لانه كان قارئ للمشهد وبيستعد للمواجهه
واكتشفنا ان كل جنيه اتصرف في مشروع كان جسر بنعبر بيه ازمه ومؤامره
👈حبايبنا اللي فاقو من الغيبوبه ياريس تسمعو ما فاتكم من خطب الرئيس علشان هتفهمو الراجل دا عمل ايه لينا.
