🔴 الصحافة الاسرrائيلية بقالها يومين بتتكلم دلوقتي عن تقرير بيقول ان مصر أصبحت لأول مرة في تاريخها الحديث، عندها القدرة على عزل اسرrائيل بحريًا، وقطع الإمدادات اللوجستية الأمريكية ومنعها من الوصول للكيان!
التقرير ده اسمه "يقظة هارون" أو "يقظة الفرعون"، وانتشر في صحيفة عبرية اسمها Nziv في المعتاد بتنشر وتحلل التقارير اللي زي دي، وهتلاقي اللينك بتاعه في أول كومنت تحت 👇 والحقيقة انه قال شوية حاجات خطيرة جدًا، خليني أحكيلك عنها سريعًا كده..
1️⃣ أول حاجة، التقرير أكد على ان في تحول استراتيجي خطير في موازين القوى في المنطقة، عشان مصر أصبحت حاليًا قادرة للمرة الأولى في التاريخ على فرض حصار بحري كامل على إسرائيل، ومنع وصول الدعم العسكري واللوجيستي الأمريكي. يعني ببساطة، مصر أصبحت قادرة على عزل إسرائ$يل بحرياً بشكل تام.
⚫️ طب ازاي؟
2️⃣ القوات البحرية المصرية بقت في وضع مختلف تماماً عن السابق، عشان أصبح عندها حاليًا حاملات طائرات الميسترال، وغواصات، ودرونات، وقدرات أخرى ذكروها بتعبير "ما خفي كان أعظم".. كل ده دلوقتي خلى القوة البحرية المصرية في ليفل تاني، وأصبحت على حد تعبيرهم "لا يستهان بها"..
🔴 طيب.. أيه تاني؟
3️⃣ التقرير بيعترف إن سلاح الجو الإسrرائيلي - اللي كان دايماً المنقذ ليهم واللي بيكونله الكلمة الأخيرة في أي حرب خاضها الكيان مع أي بلد سواء مصر أو غيرها - دلوقتي أصبح بيفقد قوته وتفوقه أمام مصر يوم بعد يوم، خاصة مع قرب وصول طيارات من الجيل الرابع المحدث أو اللي بيسموه 4.5 من الصين، ومعاها صواريخ صينية جديدة بعيدة المدى، في تهديد مباشر للتفوق الجوي الاسرائيلي.
🟣4️⃣ عندك كمان سلاح المدرعات.. وده مشكلة كبيرة.. عشان المدرعات والدبابات الإسرائي$لية دلوقتي في حالة استنزاف ضخم بعد سنة ونص من الحرب مع المقاومة الفلسطينية، وحاليًا هي في مرحلة إعادة هيكلة وغير فعالة، في حين إن سلاح المدرعات المصري في أفضل حالاته، وتم تطويره بشكل ضخم جدًا خلال ال 40 سنة اللي فاتوا!
🟤 بس أخطر ما في التقرير بقى هو حاجة تانية.. ان في عندهم حاليًا قلق كبير جداً من احتمالية تعاون الأسطول المصري والتركي في عزل إسرrائيل بحريًا، ومنع وصول المساعدات والدعم اللوجيستي الأمر$يكي في حالة قيام حرب.. وده مش بس ممكن يهدد الكيان، بل هو ممكن يقضي على بقاءه في المنطقة لو حصل وقامت حرب.
