طلع النهار
ياشعب اصحى طلع النهار ولحد امتى الانتظار
حقك ماضاعش لسه ماراحش المهم انت تاخد قرار
يا شعب اصحى اليوم ده يومك يا شعب قوم صلح عيوبك
بكفايه نوم نفض هدومك وياللا بقى حطم قيودك
ياشعب اصحى طلع النهار ياشعب غاوى يقول حكاوى
ع القهاوى يسمع غناوى والواد حصاوى عمال يغنى للحمار
احكى وقول
أحكى وقول يا نيل *** عن شعب عاش مظلوم
شاف الذل والويل *** ومن خيرها عاش محروم
وجيل ورا جيل *** حياته مليانه هموم
صابر والصبر جميل *** ولحد أخر يوم
ولحد امتى
ولحد امتى هيفضل الشعب ده مقهور مكتوب عليه الغلب ولايوم يعيش مسرور
غرقان ف بحر هموم والزمن بيدور بيحلم بدنيا جميله بيحلم يعيش ف النور
عايز يقول كلمته من غير ماحد يثور وانا شاعر وبفطنتى باكشف المستـور
الشعب المصرى
الشعب المصرى بيتألم * ولاحد قادريتكلم
مغصوب على أمره ومسلم ** والجرح ف القلب معلم
الشعب ده شعب أصيل *** شرب المر وشاف الويل
شايل حمل وحمله تقيل *** ولسه بيقول الصبر جميل
انا مصري
أنا مصـــرى بس مصــرى ع الورق
عايش غريب جوه بلدى وحقى منى بينسرق
من كتر خــوفى ع البلد دى عشت ف قلق
من كتر حبـي للبلد دي قلــبي انحــرق
أما الحـرامي هــربوه والبرئ اللي انشنق
امسحى دموع عنيكى.
اللى بيخرب يامصر فيكى
يبقى مش بيخاف عليكى
يامـــامديتى ايديكـــــــــــى
عمره يوم ما حس بيكــــــى
هونتى عليه ولا هان عليكى
... يبقى بايعك مش شـــــاريكى
امسحى دموع عنيكــــــــــى
ربنــــــا دايما حـــــــــــميكى
