فاضل ايـــــــــــــــه يا مصـــــــــــــــــــــــــــــــــــــــــــر...شاعر بيحب مصر

فاضل ايه يا مصر
يا زينة كل عصر
ولادك فى كل اوان
واقفين فى الميدان
بتكلموا باسم الاديان
كانهم مصلحى هذا الزمان
حجروا على كل رأى ولسان
ناكرين باقى المصرريين فى كل مكان
بقوا اوصياء علينا
وكأننا لا بينا ولا علينا
وفاضل ايه يا زمن ورينا
وفرضوا علينا الوصايه
كمستعمر بيفرض الحمايه
وشوف ايه اللى فاضل للايام اللى جايه
فاضل كتير يا بلدى
فاضل انى لسه عايش يا ولدى
لسه يابنى فاضل كتير
خد بالك من الشيطان المكير
اللى عيزك لبلدك تخرب
وعن ترابها تتغرب
وتعيش للسلطان اسير
لصاحب جاه تافه وحقير
بص لمستقبل مستقبل اجيال جايه
وناس متربصه بينا بالخراب جايه
جايبه معاهاساطور وبندقيه
تقتل احلام وليد ها تستقبله الدنيه
فاضل انى اصون بلادى
بالعمل وجهد الايادى
مش بالاعتصام او وقوف الحال
ودكتاتوريه تجمهر وفرض امر محال
قول كلمه حق
مش كلام بالبق
ده ربنا اسمه الحق
وحاور بالعقل
لجمع الشمل
مش لمصالح سياسيه
لقلوب جاحده وقسيه
او لمرشح رئاسة الجمهوريه
انما لروح شهيد بحق
مات من غير ما يحرق
اوكان عايز يسرق
فاضل نبنى ونعمر
وللهمم نشمر
مش ننزل التحرير
ونوقف حال غلابه كتير
بتدور على لقمة عيش
مش كنتاكى وشويكولاته بالياميش
وناش مش لاقيه تعيش
والبهوات فى الفضائيات لابدين
ويبان عليهم الطهر والدين
وهما ياكلوا مال النبى والحسن والحسين
وعجبى على من غلف السياسه بالدين
علشان يكسب بنط وهو من الضاليين
لابس لباس التقوى
مستنى لما يبقى حاجه ويقوى
ويبقاله نفوذ وكيان
ويبقى غول ومن الحيتان
وكله بدم الشهيد فى الميدان
وينسى اخوه الانسان
وام ثكلى لاغلى انسان
واب مكلوب غلبان
وعجبى على كل جبان
بينسى انه انسان